याद राख्नुहोस् ! फ्रिजमा राख्न नहुने ९ खानेकुरा

काठमाडौं । पछिल्लो समय प्रविधिको विकाससँगै फ्रिज प्रयोगकर्ताहरु धेरै छन् । हरेक खानेकुरालाई ताजा राख्न फ्रिजको प्रयोग गर्ने गरिन्छ । तर, एक स्वास्थ्य रिपोर्टअनुसार सबै खानेकुरा फ्रिजमा ताजा नरहने कुरा पत्ता लागेको छ ।
झन ति खानेकुरा खाँदा मानिसमा विभिन्न प्रकारका रोगहरु लाग्ने बताइको छ । हाम्रो समाजमा अधिकांशले खानेकुरा ताजा राख्न फ्रिज प्रयोग गर्ने गर्छन् । तर यी सात बस्तुलाई फ्रिजमा राख्न नहुने चिकित्सकहरुले बताएका छन् । थाहा पाउनुहोस् :
टमाटर : टमाटरलाई फ्रिजमा राख्नाले यसको स्वाद बिग्रिन्छ । फ्रिजको चिसोले टमाटरको भित्री झिल्ली टुट्छ । जसका कारण यो मुलायम हुन जान्छ ।
तुलसी : तुलसी फ्रिजमा राख्नाले यसको आसपासका राखेका खानाको समेत सुगन्ध सोस्छ वा तुलसीको सुगन्ध हावी हुन्छ । जसले गर्दा अरुको समेत स्वाद हराउँछ । तुलसी पानीमा राख्नुपर्छ ।
आलु : चिसो तापमानमा आलु राख्दा स्टार्च सुगरमा बदलिन्छ । आलुलाई पेपर ब्यागमा राखेर घरको अँध्यारो र चिसो ठाउँमा राख्दा राम्रो हुन्छ ।
लसुन र प्याज : आलुको जस्तै लसुन र प्याजमा पनि फ्रिजमा राख्दा उस्तै समस्या आइलाग्छ । लसुन र प्याज पनि चिसो र अँध्यारो ठाउँमा राख्नुपर्छ ।
जैतुनको तेल : जैतुनको तेल फ्रिजमा राख्नुहुँदैन । कम तापमानमा यो संघनित भएर मही जस्तै गाढा हुन्छ ।
रोटी : धेरैले रोटी खराब हुन्छ भनेर यसलाई राख्ने ठाउँ फ्रिज रोज्छन् । फ्रिजमा राखेको रोटी चाँडै सुक्छ र यसमा रहेको तत्व हराउँछ ।
कफी : कफी कहिल्यै फ्रिजमा नराखौँ । यसको स्वाद बिग्रने मात्रै होइन, आसपासको खानामा यसको सुगन्ध हावी भइदिन सक्छ ।
मह : यसको डब्बालाई पातलो प्लाष्टिकले बेरेर राख्नुपर्छ । मह फ्रिजमा राख्दा यसमा क्रिस्टल बन्न थाल्छ ।
अचार : अचारमा भिनेगार धेरै हुन्छ । यसलाई किचेनको चिसोमा राख्दा राम्रो हुन्छ । यसलाई फ्रिजमा राख्दा अन्य खानेकुरा समेत खराब गरिदिने खतरा हुन्छ । एजेन्सी
dainiknepal.com

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.