पूर्वप्रधानमन्त्री जो भारत भ्रमणमा जानै पाएनन्

एमाले वरिष्ठ नेता झलनाथ खनाल र कांग्रेस सभापति स्व. सुशील कोइरालाले भारतको औपचारिक भ्रमण गर्न पाएनन् ।

उनीहरु दुवैलाई भारतले भ्रमणको औपचारिक निम्तो समेत गरेन । कोइराला भने भारतीय समकक्षी नरेन्द्र मोदीको शपथग्रहण समारोहमा सहभागी हुन भारत गएका थिए ।

मोदीको शपथ समारोहमा सार्क मुलुकका सबै सरकार प्रमुखको उपस्थिति थियो । त्यसलाई कोइरालाको द्विपक्षीय भ्रमण भन्न नमिल्ने परराष्ट्रविद् डा. भेषबहादुर थापाको भनाइ छ ।

२५ असोज ०५९ मा तत्कालीन राजा ज्ञानेन्द्रले गठन गरेको सरकारको नेतृत्व गरेका लोकेन्द्रबहादुर चन्दले पनि विदेश भ्रमण गर्ने अवसर पाएनन् ।

०६० मा प्रधानमन्त्री भएका सूर्यबहादुर थापाले पनि भारतको औपचारिक भ्रमण गर्न पाएनन् । थापा त्यतिबेला सार्क सम्मेलनको निम्तो दिन भारत गएका थिए । तर, द्विपक्षीय भ्रमण नभएको कूटनीतिज्ञको भनाइ छ ।

०६९ चैतमा गठन भएको चुनावी सरकारको मन्त्रिपरिषद्का अध्यक्ष खिलराज रेग्मी पनि भारत जान पाएनन्, आजको नयाँ पत्रिका दैनिकमा खबर छ ।

nepaliheadlines

Write Comment Below:

Disclaimer: Please note, this is an online news portal, All of these images/videos found here from 3rd party video/image hosting sites such as YouTube.Com, Vimeo.Com, DailyMotion.Com, Blip.Tv, We do not host any videos and some photos. Please contact to appropriate video/image hosting site for any content removal.